اۇرمو گؤلونون قصداً قۇرودولماسی فلاکتی ایله باغلی آذربایجانین سیاسی تشکیلاتلاری‌نین بیاناتی
اۇرمو گؤلونون قصداً قۇرودولماسی فلاکتی ایله باغلی آذربایجانین سیاسی تشکیلاتلاری‌نین بیاناتی
مقصدلی عیرقی و مۆستملکه‌چی سیاستلرله اۇرمو گؤلونون قصداً قۇرودولماسی فاجیعه‌سی ایران ایسلام رسپوبلیکاسی‌نین توْتالیتار، ایرتیجاعچی و عیرقچی قۇرولوشونون مظلوم خالقلارا قارشی حیاتا کئچیردیگی آنتی-بشری فاجیعه‌لریندن بیریدیر..
یۆز ایله یاخیندیر کی، تهران حؤکمدارلاری و مرکزچی مۆتفکّیرلر آذربایجاندا «مجبوری کؤچ و دئموقرافیک ترکیبین دییشدیریلمه‌سی اۆچون یاشاییشه یارارسیز» سیاستی ایله آذربایجان تۆرک خالقی‌نین یئرآلتی و هر گۆن معدنلرینی تالاماقلا، دؤولتین مۆحافیظه‌سینی تأمین ائدیبلر. اۇزونموددتلی و مقسدیؤنلو لایحه‌لر حیاتا کئچیرمکله اوْنون محو ائدیلمه‌سینه شرایط یارادیبلار.
اۇرمو گؤلو ایسلام رسپوبلیکاسی‌نین اۇزونموددتلی دوْکتریناسی ایله بو ائکولوژی قوْروغون و اینسانلیغین محوینه زمین حاضیرلادیغی حاللاردان بیریدیر. باشقا ائتنوسلارین توْرپاغی‌نین یئرالتی ثروتلریندن قوْپاریلان میلیاردلارلا دوْللارلارلا مرکزی صحرالار آبادلاشدیریلیر ، آذربایجان تۆرک خالقی‌نین کؤکونو بالتالاماق اۆچون اۇرمو گؤلو محو اوْلماغا محکوم ائدیلیب.
دیگر طرفدن، ایسلام رسپوبلیکاسی رئژیمی ارمنیستان طرفیندن آراز چایی‌نین چیرکلندیریلمه‌سینه قصداً گؤز یۇمماقلا بؤلگه‌ده چوخ بؤیوک بیر فلاکت یاراتمیش و رایون اهالی‌سینی خرچنگ (سرطان) سۇنامی‌سی ایله اۆز-اۆزه قوْیموشدور. ارمنیستاندان آراز چایینا آخان نۆوه (اتم )تۇللانتیلاری ایسلام رسپوبلیکاسی‌نین راضیلیغی و اعتیراضسیزلیغی ایله فوْرمالاشیر و اوْنون مقصدی آرازین سرحد زوْلاغی‌نین تۆرکلردن بوْشالدیلماسی و بؤلگه‌نین اهالی ترکیبی‌نین دییشدیریلمه‌سیدیر.
یئرآلتی، ائکولوژی، اینسانی و ایقتیصادی ثروتلریمیزین ایسلام رسپوبلیکاسی‌نین کوْرروپسیونئر رئژیمی طرفیندن تالان ائدیلمه‌سینی و محو ائدیلمه‌سینی گؤرن و دریندن حیسّ ائدن بیز گۆنئی آذربایجانین سیاسی تشکیلاتلاری، اۇرمو گؤلونون قصداً قۇرودولماسینی قتیتله پیسله‌ییر، بو ائکولوژی و اینسانی فلاکته هر واسیطه ایله و ایسته‌نیلن یوْللا اعتیراض ائتمه‌یی قانونی حساب ائدیر و خالقیمیزین اعتیراضلاری‌نین یانینداییق.
