Tatarıstanda İrana məxsus pilotsuz uçan aparatların yığılması zavoduna hücum edilib

Tatarıstanda İrana məxsus pilotsuz uçan aparatların yığılması zavoduna hücum edili

Aprelin 2-də Tatarıstanın Yelabuqa şəhərində yerləşən İranın “Shahed” dronlarının yığılması zavoduna hücum edilib. Bu barədə Ukrayna xüsusi xidmət orqanlarındakı mənbəyə istinadən “RBK” Ukrayna məlumat yayıb. Qeyd olunur ki, əməliyyat Ukrayna Müdafiə Nazirliyinin Baş Kəşfiyyat İdarəsi tərəfindən həyata keçirilib.

Mənbənin sözlərinə görə, Ukraynadan 1000 km aralıda yerləşən bu obyektə hücum nəticəsində “istehsalat gücü əhəmiyyətli dərəcədə məhv edilib”.

2023-cü ildə Tatarıstanda “Geranium-2” pilotsuz təyyarələri kimi etiketlənən İranın “Shahed-136” pilotsuz təyyarələrinin yığılması üçün zavod tikilib. İrandan gələn komponentlər birbaşa Yelabuqadakı istehsalata daşınırdı. Keçən il iyulun 25-də “Protokol” nəşri Tatarıstanda yüzlərlə kollec tələbəsinin bu dronları yığmaq üçün işə götürüldüyünü bildirmişdi.